Начальнік звольненай Ірыны Пятровай прызнаўся, што пазбавіцца ад супрацоўніцы яго прымусілі «людзі ў цывільным» з-за выбараў.
Дырэктар менскага заапарка, дзе на працягу года працавала Ірына Пятрова, паведаміў ёй, што ў бюджэце ўстановы няма грошай, каб плаціць ёй зарплату. На яе абурэнне дырэктар паставіў жанчыну перад выбарам: напісаць заяву аб звальненні па ўласным жаданні або быць звольненай па артыкуле «за прагулы». Ірына абрала першы варыянт. Паводле яе словаў, некалькі дзён таму яна прапусціла чатыры дні працы, так як моцна захварэла. Адчувала сябе дрэнна і звярнулася ў паліклініку, але медыцынская ўстанова не мае права аформіць ёй бальнічны ліст як зарэгістраванай у Віцебску, паведамляюць «Праваабаронцы за свабодныя выбары».
За ўвесь час працы, паводле словаў Ірыны, ёй некалькі разоў здаралася адсутнічаць на працоўным месцы, але такой пільнай увагі да яе адсутнасці ніколі не было: дазвалялася проста загадзя папярэдзіць кіраўніцтва па тэлефоне і растлумачыць прычыны.
«Такім чынам я сыходзіла на сесію, а таксама прапусціла некалькі дзён раней з-за хваробы. Ніякіх праблемаў не ўзнікала. Цяпер жа да мяне ўзніклі такія пытанні», - здзіўляецца Ірына.
Застаецца толькі дадаць, што Ірына Пятрова з'яўляецца сябрам ініцыятыўнай групы прэтэндэнта на прэзідэнцкі пост Андрэя Саннікава.
На думку Ірыны Пятровай, падставай для звальнення стаў яе ўдзел у зборы подпісаў за Андрэя Саннікава і ранейшы ўдзел у акцыях апазіцыі, у ходзе якіх мелі месца і выпадкі затрымання.
«На днях я даведалася ад супрацоўнікаў заапарка, што каля месяца таму да дырэктара прыходзілі двое невядомых мужчын і моцна лаяліся на яго. Яны крычалі, каб ён думаў, каго бярэ да сябе на працу, і гаворка ішла менавіта пра мяне», - распавяла Ірына.
«За апошні месяц адносіны з дырэктарам у мяне пагоршыліся. У нас былі вялікія планы па пашырэнні стайні, хацелі закупіць новых коней. І раптам усе гэтыя планы паваліліся. А потым аказалася, што мне няма чым плаціць», - здзіўляецца Ірына.
Праўда, дадае актывістка, вымусіўшы яе звольніцца, дырэктар не асабліва хаваў, што пазбавіцца ад супрацоўніцы яго прымусілі «людзі ў цывільным» з-за выбараў.
«Мне сказалі: маўляў, увесну, як усё аціхне, прыходзь назад на працу», - сумна дадае Ірына.
Пад «усім» маецца на ўвазе выбарчы працэс і цікавасць спецслужбаў да дэмакратычных актывістаў.
оригинал статьи тут
http://charter97.org/be/news/2010/10/27/33312/
Просмотр сообщений
(не из лошадиного, а наше человечье, недорогое)
