Ищу стих связанный с лошадьми на белорусском языке

[Nastik]

Помогите пожалуйста найти стих связанный с лошадьми на белорусском языке.

[Elga]

 Конь бяжыць. I адкуль ён узяўся такі,
Нібы з казкі дзіцячай, займальнай.
Побач стрэлка чыгункі і стрэлка ракі,
Што канавай блішчыць асушальнай.
 
 
 Невядома, куды ён па лузе бяжыць,
Непадкуты і неасядланы.
Пад ім сцелюцца травы,
Зямля не дрыжыць.
He бяжыць — а плыве ён, буланы.
 
 
 Капытамі зямлю не кранае зусім.
Неаб'езджаны, хуткі, пудлівы.
Нават ветру ніяк не угнацца за ім:
He ўхапіцца за шорсткую грыву.
 
 
 Немагчыма яго, маладога, стрымаць,
Над канавай імчыцца да лесу...
I нікога не думае ён абагнаць,
He баіцца адстаць ад прагрэсу.
 
 
 He адчуў яшчэ дотыку шпор і падкоў,
He стаяў у аглоблях ніколі.
Проста рад ён жыццю і прасторы лугоў,
Раскаванаму бегу і волі.

Юрась Свірка

[Ветер_В_Гриве]

Генадзь Бураўкін

ПЯШЧОТА

Кажуць,
Пра пяшчоту ўсё напісана.
Можа быць.
Ну і няхай сабе.
...Конік у плячо мне ўткнуўся пысаю
І ля вуха стрымана сапе.

Цёплымі вільготнымі губамі
Цягнецца нясьмела да шчакі.
Падкаваным капытом зграбае
Перасохлай гліны камякі.

Косіць на мяне самотным вокам,
Апускае грыву да зямлі,
Быццам мы ў мінулым недалёкім
Зь ім адну бяду перажылі.

У абдымку мы стаім ля плоту,
Пэўна, адчуваючы адно...
Ну, а вы казалі:
Пра пяшчоту
Выказана ўсё даўным даўно...

[Nastik]

Спасибо отромное)